Sunday, October 24, 2010

මාරයාගේ හෝරාව - 1 විවේචනය

නම - මාරයාගේ හෝරාව
බ්ලොග් ලින්ක් - http://ctkumara.blogspot.com/
ආරම්භක දිනය - 08 නොවැම්බර් 2009
ලිපි ගනණ - 196 / ලාංකීයේ - 100 


විවේචනයේ මුල්ම ලිපිය පොරොන්දූ වූ පරිදි මෙලෙස මාරයාගේ හෝරාවට වෙන්වෙයි. බොහෝ බ්ලොග් රචකයන් හා පාඨකයන් අතර නමක් දරා සිටින විවිධ මතෘකා හා අර්තවත් රසවත් මෙන්ම මනසට වහල් වී කරන බොලඳ ලිපි වලින්ද සමන් විත, කාන්සිය හා පලුව මකා දැමිමේ අරමුණීන්ම ලි‍යැවේයයි සිතිය හැකි බ්ලොග් අඩවියකි. මසකට ලිපි දහයක් පමණ වේගයක් රඳා පවත්වාගෙන යන මෙම අඩවිය දැනට ලිපි 196 ක් ලියා ඇතත්, ලාංකීය සිතුවිලි වල දිස් කරනුයේ ලිපි 100 ක් ලෙසයි.[ අතර තුර සින්ඩි විවේචනයද සිදුවෙයි ]. 08 November 2009 ලෙස ආරම්භක දිනය සටහන්ව ඇත.

වැඩි පාඨක ප්‍රතිචාර ලද ලිපි පෙළ වනුයේ, පන්සල් ජීවිතය මූලික කොට ලියන ලදි ලිපි පෙළටයි. නමුත් සමහර විට තව පිරිසකගේ අප්‍රසාදයට ලක් වූයේද මෙම කතා මාලාවම විය හැක. සමාජයේ අනේක විවද සමාජ ස්තර හා ගැටෙමින් තමා ලද ජීවන ඇත්දැකීම් එක් කොට ලියැවෙන ලිපි පෙලත් කියවන පිරිස රොක් වූ තවත් පරිච්චේදයක් විය. ඉඳ හිට තමා ලද දැනූම වූ ජෝතිෂය මත ලියැවෙන ලිපි, පොරකමින් පෝලිමේ එන පිරිස දැකීම ඔහු මෙන්ම අපවද මවිතයට පත් කරන ලදී. නවීන තාක්ෂනය ,පැරණී මත ,අලුත් ලෝකය යන මේ මත කොතෙකුත් තිබුණාද බ්ලොග් ලියන පරිගනක යුගයේ ජාල ජාලියෝද තම අනාගතය දැන ගැනීමේ අටියෙන් මාරයා විසින් ලියන ලද ජෝතිෂ ලිපි සඳහා ඒකව සිටියහ.

එදිනෙදා ජිවින මගේ හෝ දවසේ අත් දැකීම් බ්ලොග් ලිපියකට මනා කොට පෙලගස්වන බේබදු චරිතයක් යයි කිව හැකි මාරයා, බේබද්දෙක් නොවන බව නම් කිව යුතු යයි හැ‍ඟේ. මන්ද යත් ඔහු මෙලෙස අරක්කු බෝතලයට හා බයිට් වලට යට වීමට හේතුව කාන්සිය හා මාන්සිය මනේම නැති වී ගිය ආදරයද යයි, ඔහුගේ ලිපි වලින් මොනවට පිළඹිබු කරයි. කව් ලි‍ව්මේ මනා හැකියාවක් ඇති ඔහු විසින් ලියන ලද, කවි හරහා ගොස් ඔබට රසවිඳිය හැක. එම කවි අතර විවේචනයේ ඇස යොමු වූ එක් කවි පෙළක් වනුයේ, අන්තරාදායකයි.. පැදි පෙළයි.

නෙතින් දොඩමළු වීය ඉඳහිට..
සිතින් වූවද විටක ළං විය..
අසම්මත බව දැන දැනම මුත්..
අසංවර සිත ගියා දස අත..

කොහේදෝ සිට පාව ඇවිදින්..
ඔබ රැදී නෙතු මායිමෙ..
සසල සිත ළග උනා ලෙන්ගතු..
වරද කා අත නොම හැගේ..

අනුන් සතු විජිතයක රැජිනක්..
දැන දැනම විත් හිතේ රැදුණත්..
හෙටක් ගැන හෝ සිතා ගන්නට..
නොහැකි පෙම් සිහිනයකි තවමත්.. 

ඉද හිට දේශපාලනය හා බැඳි පවතින ලිපි අතර, පාඨක ජනතාව හාස්‍යයෙන් නහවන ලිපිත් ඇත. ඒ අතර ජංගේ කතා පෙරමුනේ සිටියි. ලිපි 168 ක් අතුරින් මේක යයි සම්මත කොට වඩා වැදගත් හා රසවත් ලිපිය නම් කිරිම ඉතාම අපහසුය. එහෙයින් ඔබත් දැන්ම ගොස් මෙම අඩවිය කියවා බලා ජීවිතයට ගත හැකි පාඩම් හා ආදර්ශ ලබා ගෙන. අරක්කු බෝතලය හා බයිට් පැකට් එක මාරයාටම ඉතුරු කර වෙරි නොවි ආපසු පැමිණේන.

ඊලඟ විවේචනය සොඳුරු සිත අඩවිය කරා පැමිණෙනු ඇත


රනා විසින් පෙන්වා දුන් ප්‍රතිචාර දැක්විය නොහැකි බව දැන් නිවැරදි කර ඇත

2 comments:

Chanaka Aruna Munasinghe said...

මාරයාගේ ලිපි වලින් මමත් වැඩිපුරම කැමති පන්සල් කතා වලට. ඇත්තටම ඒ කතා ටික පොතක් විදිහට පළ කරන්න වුනත් වටිනවා.

ළඟකදී ජුං කතාවක්නම් දැක්කෙ නෑ. මාරයෝ මේක දැකලවත් ජුං කතාවක් ලියපියෝ

Praසන්ன said...

කොහොමහරි මාරය එක වුණා එහෙනං.
මාත් කැමති පංසලේ කතා වලට තමයි.